Kiyev vilayətinin meşəsində qazıntılar zamanı İkinci Dünya Müharibəsindən qalmış səkkiz Britaniya qırıcısı “Hurricane” aşkar edilib.

Onlar İkinci Dünya Müharibəsi zamanı müttəfiq hərbi dəstək paketinin (Lend-Liz) bir hissəsi kimi Sovet İttifaqına göndərilib.

Bildirilir ki, Almaniyaya qarşı müharibə zamanı Böyük Britaniya Sovet İttifaqına təxminən 3000 “Hurricane” tədarük edib. Onların əksəriyyəti ya döyüşdə məhv edilib, ya da sonradan parçalanıb.

Hesab edilir ki, bu gün dünyada yalnız 14 yenilənmiş, uçuş qabiliyyətinə malik belə təyyarə mövcuddur.